ل شێخان هه‌ڤديتنه‌كا ره‌وشه‌نبيرى ل دۆركاره‌ساتا شنگالێ هاته‌ سازدان

ئێزديخان نيوز:شێخان

ل ژێر دروشمێ(شنگال كورده‌ و عاشقا كوردينيێ ب كراسێ ئێزدياتيێ ل چيايێ خۆراگر داستانا به‌رخودانا ملله‌ته‌كێ تۆمار دكه‌)،ب ئاماده‌بوونا وه‌زيرێ ره‌وشه‌نبيريێ حكومه‌تا هه‌رێما كوردستانێ، بنگه‌هێن لالش ل باشيكێ و شێخان و ب هه‌ڤكاريا سه‌نته‌رێ ره‌وشه‌نبيريێ باشيكێ،هه‌ڤديتنه‌كا ره‌وشه‌نبيرى ل دۆر كاره‌ساتا شنگالێ ل سه‌نته‌رێ قه‌زا شێخان رێكخستن.

 ب ئاماده‌بوونا وه‌زيرێ ره‌وشه‌نبيريێ حكومه‌تا هه‌رێما كوردستانێ و ئه‌ندامێ په‌رله‌مانێ كوردستانێ شێخ شامۆو به‌رپرسيارێ لقێ پارتى ديموكراتى كوردستان ل شێخان  و ژماره‌يه‌كا به‌رپرسێن حزبى و ئيدارى،بنگه‌هێن لالش ل باشيكێ و شێخان و ب هه‌ڤكاريا سه‌نته‌رێ ره‌وشه‌نبيريێ باشيكێ،هه‌ڤديتنه‌كا ره‌وشه‌نبيرى ل دۆر كاره‌ساتا شنگالێ ل رۆژا(11/12/2014)،ل سه‌نته‌رێ قه‌زا شێخان رێكخستن،كو تێدا چه‌ندين سمينار و په‌نه‌لێن جودا جودا،زێده‌بارى نمايشكرنا چه‌ندين دكيۆمێنتێن كاره‌ساتا شنگالێ ب وێنه‌ و داتاشۆ هاتنه‌ نمايشكرن و پێشكێشكرن،پاشى په‌نه‌له‌كى تايبه‌تێ لێدانا مۆزيكێ بوو.