ئێزديخان نيوز:دهۆك
 |
| كۆمبوونا ده‌سته‌يا بلندا بنگه‌هێ لالش |
ده‌سته‌يا بلندا بنگه‌هێ لالش دوهى (8/11)،كۆمبوونه‌ك ب سه‌رۆكاتيا شێخ شامۆ سه‌رۆكێ بنگه‌هى و ب ئاماده‌بوونا سه‌رۆكێن هه‌موو تايان سازدا،كو ره‌وشا ئێزديان و ئاواره‌يان و پێشمه‌رگه‌يێن ل چيايێ شنگالێ شه‌رى دكه‌ن گه‌نگه‌شه‌كرن.
ده‌رباره‌ى ره‌وشا ئاواره‌يان شێخ شامۆ گۆت:مه ژ لايه‌نێن شۆله‌ژێ خواستيه پێدڤيێن ئاواره‌يان دابين بكه‌ن،ديسان بنگه‌هێ لالش و تايێن وى ژى ته‌خسيرى نه‌كريه دڤى لايه‌نى دا.
سه‌رۆكێ ده‌سته‌يا بلندا بنگه‌هێ لالش ئه‌و چه‌نده ژى دووپاتكر،پێدڤيه كارمه‌ندێن لالش هه‌موو بزاڤێن خۆ بێخنه كارى،ژبۆ خزمه‌تكرنا ئێزدياتيێ و كوردايه‌تيێ.
هه‌ر ژ خالێن دى يێن ڤێ كۆمبوونێ به‌حسا ئاماده‌بوونا وه‌زيرێ په‌روه‌رده‌يا حكومه‌تا هه‌رێمێ درونشتنا په‌رله‌مانێ كوردستانێ دا و گه‌نگه‌شه‌يا سه‌رۆكێ ده‌سته‌يا بلندا و ئه‌ندامێ په‌رله‌مانێ كوردستانێ چه‌ند بابه‌ت ل دۆر پرۆگرامێ بابه‌تێ ئێزدياتيێ.
ل دۆر ره‌وشا چه‌كداران و خێزانێن ل چيايێ شنگالێ،شێخ شامۆ گۆت:ره‌وشا وان نهۆ يا باشه ئه‌و ژى فرۆكه دبه‌رده‌وامن دگه‌هاندنا پێدڤيێن وان و كه‌ره‌سته‌يێن خوارنێ،هه‌ر ل دۆر ڤێ چه‌ندێ شێخ شامۆ دووپاتكر،ئه‌م به‌رده‌وام بووين دگه‌ل سه‌ركردايه‌تيا كوردستانى بۆ چاره‌سه‌ركرنا وێ قه‌يرانا چه‌كدارێن ئێزدى ل چيايێ شنگالێ تووش بووينێ.
ل داويێ ژى شێخ شامۆ به‌حسا كه‌فتنا په‌رستگه‌ها لالش دليستا شوونوارێن جيهانى دا كر.
