پشتى وێ كاره‌ساتا بسه‌رێ كوردێن ئێزدى هاتى،هه‌زاره‌هان كوردێن ئێزدى خۆپيشاندان،ژبۆ پاراستن و رزگاركرنا ئێزديان ل عيراقێ ل ئه‌لمانيا رێكخستن،ژبال خۆ ڤه ژى راگه‌هاندنا وى وه‌لاتى گرنگيه‌كا زێده ب ڤێ كاره‌ساتێ دايه.
رۆژنامه‌ڤان و راگه‌هاندكارێ ئێزدى (هه‌ژار مدير) كو نهۆ ل ئه‌لمانيا ئاكنجيه،لدۆر گرنگپێدانا راگه‌هاندنا ئه‌لمانيا ب كوردێن ئێزدى بۆ ئێزديخان نيوز خوياكر،راگه‌هاندنا ئه‌لمانيا بگشتى به‌حسه‌كى زێده ل سه‌ر كوردێن ئێزدى هه‌يه و تايبه‌ت ل سه‌ر چيايێ شنگالێ وشه‌رڤانێن ئێزدى يێن نهۆ ژ ئه‌لمانيا چۆينه كوردستانێ و ل سه‌رێ چيايێ شنگالێ ل دژى تيرۆرستێن داعش شه‌رێ مان و نه‌مانێ دكه‌ن جييه‌كى باش گرتيه دمييايێ دا،گۆتژى هنده‌ك رۆژنامه‌ڤانێن بيانى و كورد ژ ئه‌لمانيا هاتينه كوردستانێ ل كه‌مپ و ل سه‌ر چيا ڤيديۆ گرتينه و صيرۆك نڤيسينه و ئه‌و فه‌رمانا ل شنگالێ روودايى ب ئاواكى به‌رفره هاتيه به‌لاڤكرن،ديسان ژ لايه‌كى ديڤه ژى خۆپيشاندانێن ئێزديان ل ئه‌وروپا و ئه‌لمانيا درۆژنامه و ميديايێ دا دهاته‌به‌حسكرن.
