پرۆژه‌يێ خزمه‌تكرنا ئاواره‌يان ل دهۆكێ يێ به‌رده‌وامه‌

ئێزديخان نيوز:دهۆك

پرۆژێ دابينكرنا خزمه‌تێن پشته‌ڤانيێن ده‌رونى و زارۆكبوونا ساخله‌م بۆ ئافره‌ت و كچێن ئاواره‌ يێن ده‌ڤه‌را مووسلێ و ب تايبه‌ت يێن شنگالێ ئه‌وژلايێ ئنستتيوتا دهۆك بۆ ره‌وشه‌نبيريا گشتى وه‌كو رێكخراوه‌كا جڤاكێ مه‌ده‌نى ب پشته‌ڤانيا يو ئێن ئێڤ پى ئه‌ى سه‌رپه‌رشتيێ دكه‌ت يێ به‌رده‌وامه‌،كو ئارمانج ژێ خزمه‌تكرنا وانه‌ ژ روويێ ده‌روونى و ساخله‌مى ڤه‌،ديسان پشتى دوو هه‌يڤ ل سه‌ر ئه‌نجامدنا ڤى پرۆژه‌ى ده‌بارزبووين تا نهۆ هه‌زار كه‌س ب شێوه‌يه‌كى راسته‌وخۆ ژێ مفادار بووينه‌.

ل دۆر ڤێ پرۆژه‌ى كو هه‌يا نهۆ يێ به‌رده‌وامه‌،سه‌رۆكێ ئنستتيوتا دهۆك بۆ ره‌وشه‌نبيريا گشتى(عبدالعزيز محسن بارزانى)بۆ ئێزديخان نيوز راگه‌هاند و گۆت:ئه‌ڤ پرۆژه‌ يێ به‌رده‌وامه‌ و رۆژانه‌ ئافره‌ت و كچێن ئاواره‌ قه‌ستا سه‌نته‌رێ شانازيێ جڤاكى بۆ ئافره‌تان ل دهۆكێ هه‌ر ل ئۆفيسا  ئنستتيوتا دهۆك بۆ ره‌وشه‌نبيريا گشتى دكه‌ن وئه‌ڤ سه‌نته‌ره‌ چه‌ند خزمه‌تا ژ روويێ پيشه‌يى و ساخله‌مى و ده‌روونى و ياسايى ڤه‌ پێشكێشى وان دكه‌ت،بۆ نمونه‌ به‌رده‌وام سمينارێن ره‌وشه‌نبيرى ل دۆر ره‌وشه‌نبيريا ياسايى ڤه‌ پێشكێش دكه‌ت،دگه‌ل هندێ ژى مه‌ هه‌ماهه‌نگى دگه‌ل سێ رێڤه‌به‌ريێن گشتى يێن هه‌رێمێ هه‌يه.

سه‌رۆكێ ئنستتيوتا دهۆك بۆ ره‌وشه‌نبيريا گشتى ئه‌و چه‌نده‌ ژى خوياكر،دوو هه‌يڤ ل سه‌ر ئه‌نجامدانا ڤى پرۆژه‌ى ده‌ربازبووينه‌ تنێ هه‌يڤه‌ك مايه‌،هه‌روه‌سا دڤى پرۆژه‌ى دا هه‌وابه‌ره‌نگاربوونا توندوتيژيا دژى ئافره‌تان،كو هه‌وه‌كا جيهانيه‌ بۆ شازده‌ رۆژان يا به‌رده‌وامه‌،ب رێيا پرۆژى مه‌ كاريه‌ 10سمينارێن جودا جودا ل 10ده‌ڤه‌رێن جودا جودا پێشكێشى وان بكه‌ين.

 عبدالعزيز محسن بارزانى گۆتژى مه‌ گرۆپ هه‌ر دناڤ ئاواره‌يان دا دروستكرينه‌ و هه‌ماهنگيه‌كا باش ل گه‌ل ئاواره‌يان دا هه‌يه‌،هه‌روه‌سا هه‌تا نهۆ درێيا دوو هه‌يڤان دا 1000كه‌س ژ ڤى پرۆژه‌ى ب شێوه‌يه‌كى راسته‌وخۆ ژ روويێن جودا جودا ئه‌وێن به‌حس لێ هاتيه‌ كرن مفاداربووينه‌،كو ئارمانج ژڤى پرۆژه‌ى خزمه‌تكرنا وانه‌ ژ روويێ ده‌روونى و ساخله‌مى ڤه‌.