التخطي إلى المحتوى الرئيسي
بحث هذه المدونة الإلكترونية
كۆما رۆژا سۆر دخوازت خيڤه‌تێن چه‌ند كه‌مپه‌يان بێنه گهۆرين
ئێزديخان نيوز:
كۆما رۆژا سۆر ئه‌وا ل 3ى ئابێ ژ لايێ چالاكڤان و راگه‌هاندكار (شيلان عبدالمناف) ڤه هاتيه دامه‌زراندن، كو ژ كه‌سانێن چالاك پێك دئێت يا به‌رده‌وامه ل سه‌ر پێشكێشكرنا هاريكاريان بۆ ئاواره‌يێن شنگالێ.
ده‌رباره‌ى كارێ وان،به‌رپرسا كۆما رۆژا سۆرچالاكڤان و راگه‌هاندكار (شيلان عبدالمناف) بۆ ئێزديخان نيوز دياركر،كۆما مه ژ 27 كه‌سانێن پرچالاك يێن خۆبه‌خش پێك دئێت و نه سه‌ر ب چ لايه‌نان ڤه‌ينه،ب تنێ ئارمانجا مه يا مرۆڤايه‌تى و خزمه‌تكرنا ملله‌تێ مه‌يه،كو ل ئاينده‌يه‌كى نێزيك دا ببينه سه‌نته‌ره‌ك يان ده‌زگه‌هه‌كى سه‌ربه‌خۆ،دا بكارين بتر هاريكاريان پێشكێشى ملله‌تێ خۆ بكه‌ين.
سه‌باره‌ت وان هاريكاريێن پێشكێشى ئاواره‌يێن شنگالێ كرين شيلانێ خوياكر،تا نهۆ جارا چاريێه ئه‌م هاريكاريان كو ژ خوارنێ و شيرێ زارۆاكن و جلكان پێك دهاتن مه ل سه‌ر ئاواره‌يێن شنگالێ ل چه‌ند جهان به‌لاڤكرينه.
ل دوايێ ژى به‌رپرسا كۆما رۆژا سۆر ئاشكه‌راكرژى كو ئه‌و دخوازن خيڤه‌تێن كه‌مپێن شاريا وخانكێ و باجد كه‌ندالا و زاخۆ و ئينشكێ بێنه گهۆرين،دا چوو كاره‌ساتێن مه‌زنتر روو نه‌ده‌ن،ژبه‌ركو ئاگر زوو به‌ر دبتێ.
