خالێن هاتينه پێشكێشكرن دێ ئێنه بلندكرن بۆ جڤاتا مافێن كێمينه‌يان
ئێزديخان نيوز:
 |
| كۆربه‌ندێ مافێ كێمينه‌يان ل جنێف |
بۆ پاراستنا كێمينه‌يان ژ تاوانان،سه‌رۆكێ بنگه‌هێ لالش تايێ شاريا دكۆربه‌ندێ مافێ كێمينه‌يان دا ئه‌وێ ل باره‌گايێ نه‌ته‌وه‌يێن ئێكگرتى ل جنێفێ به‌ريا چه‌ند رۆژێن بۆرى هاتيه سازدان،ئاماژه ب هندێ دا كو گرنگه هاريكارى و پشته‌ڤانيا لۆجۆستى و سه‌ربازى بۆ حكومه‌تا ناڤه‌ند و هه‌رێما كوردستانێ بێته دابينكرن،ژبۆ ژناڤبرنا تيرۆرێ.
ل دۆر ڤى كۆربه‌ندى سه‌رۆكێ بنگه‌هێ لالش تايێ شاريا(جه‌لال له‌زگين) بۆ ئێزديخان نيوز گۆت:من به‌حس ل هندێ كر كو پێدڤيه هه‌موو هه‌ولێن نيشتيمانى و نێڤ ده‌وله‌تى هه‌ڤبگرن و نه‌ته‌وه‌يێن ئێكگرتى پالده‌ين بۆ رزگاركرنا وان ب هه‌ر شێوه‌يه‌كى هه‌بت،هه‌روه‌سا ڤه‌كرنا بنگه‌هێن تايبه‌ت ژبۆ چاره‌سه‌ركرنا ده‌روونى وقه‌ره‌بووكرنا وان ئافره‌ت و زارۆكێن تووشى تودوتيژيێ و ده‌ست درێژيێن سكسى بووين بێته كرن،ديسان مه پێشنيار كر بۆ ده‌ركرنا برياره‌كا نێڤ ده‌وله‌تى يا بله‌ز بۆ هه‌وه‌كا هاريكاريێن مرۆڤايه‌تى،ژبه‌ر كێميا هاريكاريێن دئێنه پێشكێشكرن ژلايێ رێكخراوێن نێڤ ده‌وله‌تى ڤه،زێده‌بارى هندێ ده‌رێخستنا برياره‌كه هاو نه‌ته‌وه‌يى ژلايێ ئه‌نجومه‌نێ ئاسايشا نێڤ ده‌وله‌تى ڤه بۆ قه‌زا شنگال و ده‌ڤه‌رێن ده‌شتا نه‌ينه‌وا بۆ گه‌ره‌نتيا زڤرينا ئاواره‌يان بۆ ده‌ڤه‌رين خۆ،پشتى ئازادكرنا ده‌ڤه‌رێن وان.
.jpg)
جه‌لال له‌زگين سه‌رۆكێ بنگه‌هێ لالش تايێ شاريا
هه‌ر دبه‌رده‌واميا ئاخفتنا خۆ دا سه‌رۆكێ بنگه‌هێ لالش تايێ شاريا خوياكر،من داخوازا دانپێدانا نێڤ ده‌وله‌تى ب جينۆسايد ناسكرنا كريارێن داعشێ كر،كو تاوانبار بۆ دادگه‌ها تاوانێن نێڤ ده‌وله‌تى بێنه پێشكێشكرن،زێده‌بارى هاريكاريێن نێڤ ده‌وله‌تى بۆ حكومه‌تا ناڤه‌ندى و حكومه‌تا هه‌رێما كوردستانێ بێنه كرن،بۆ دووباره ئاڤه‌دانكرنا ده‌ڤه‌رێن كه‌فتينه به‌ر هێرشێن هۆڤانه‌يێن تيرۆرستێن داعش.
.jpg) |
| جه‌لال له‌زگين سه‌رۆكێ بنگه‌هێ لالش تايێ شاريا |
