ژبۆ نێزيك بوون و ل هه‌ڤ گه‌هشتن دناڤبه‌را ئاين و مه‌زهه‌بێن ل ئه‌لمانيا دا دژين،ب به‌شدارييا بتر ژ 10 ئاين و مه‌زهه‌بان،ئێڤارييه‌كا ره‌وشه‌نبيرى و ديالۆگێ ل باژارێ ئێسن ل ويلايه‌تا ڤێستفالن هاته سازدان.
دڤێ ئێڤاريا ره‌وشه‌نبيرى و ديالۆگێ دا ئه‌وا بترى سێ سعه‌تا ڤه‌كێشاى باس و بير و بۆچۆن ل هه‌ڤ هاتن گوهارتن،كو بتر ژ 10 ئاين و مه‌زهه‌بان تێدا دبه‌شداربوون،ته‌وه‌رێ سه‌ره‌كى ديالۆگ بوو دناڤبه‌را هه‌رسێ ئاينێن ئێزدى و موسلمان و مه‌سيحيان دا هاته ئه‌نجام دان.
ژ پێش ئاينێ ئێزديان ڤه ژى كاميران قاسم ژ بنگه‌هێ لالش ل ئه‌لمانيا به‌شدارى دڤێ ديالۆگێ دا كربوو،كو تێدا قاسمى به‌حسا ديالۆگا هه‌ڤچه‌رخ كر و گۆت:ئه‌گه‌ر ديالۆگ و دانوستاندن دناڤبه‌را ئاين و مه‌زهه‌بان دا ب شێوه‌يه‌كى باش هه‌به ئاريشه‌يێن مه‌زن هند زوو روونادن.
دته‌وه‌ره‌كى دى دا كاميران قاسم ل ڤێ ئێڤاريێ به‌حسێ كريارێن هۆڤانه‌يێن تيرۆرستێن داعش ل دژى كوردێن ئێزدى ل شنگالێ كر و هه‌ڤده‌م ئه‌و كارێن تيرۆرستان هاتنه ريسواكرن.
لدۆر ئارمانجا ڤێ ئێڤاريێ ژى ناڤبرى دياركر،ژبۆ هندێ بتر نێزيك بوون و ل هه‌ڤ گه‌هشتن دناڤبه‌را ئاين و مه‌زهه‌بێن ل ئه‌لمانيا دا دژين بێته كرن بوو،گۆتژى گه‌له‌ك ئاين و مه‌زهه‌ب دبه‌شداربوون،لێ تنێ يێ سه‌ره‌كى هه‌ر سێ ئاينێن ناڤهاتى بوون،ژبۆ گه‌نگه‌شێ.
