ڤيان ده‌خيل و حيده‌ر العبادى به‌حسا ره‌وشا ئێزديان دكه‌ن

ئێزديخان نيوز:

دسه‌ره‌دانه‌كێ دا بۆ نڤيسينگه‌ها وى،سه‌رۆك وه‌زيرێن عيراقێ ب لێبۆرين ڤه‌ به‌رسڤا په‌رله‌مانتارا ئێزدى ڤيان ده‌خيل دده‌ت،ژبه‌ر وێيا ب سه‌رێ ئێزديان هاتى ل سه‌ر ده‌ستێ تيرۆرستێن داعش، هه‌ڤده‌م ژى به‌رهه‌ڤيا حكومه‌تا خۆ بۆ ئازادكرنا كچ و ژنێن ئێزديان يێن ره‌ڤاندى دا دياركرن.

نڤيسينگه‌ها په‌رله‌مانتارا ئێزدى ڤيان ده‌خيل راگه‌هاند،كو ل ده‌ستپێكا ڤێ ديدارێ دگه‌ل سه‌رۆك وه‌زيرێن عيراقێ حيده‌رالعبادى،ڤيان ده‌خيل به‌حسا ره‌وشا ئێزديان ب گشتى كر،ب تايبه‌ت ژى مه‌سه‌لا سه‌بايا و ره‌ڤانديان يێن دده‌ستێ تيرۆرستێن داعش دا،هه‌روه‌سا ئێش و ئازارێن خه‌لكى قوربانيان،زێده‌بارى وان ئازار و ئاريشه‌يێن ب هه‌زاره‌هان ئاواره‌يێن ئێزدى يێن ئاواره‌ى هه‌رێما كوردستانێ بووين دگه‌ل نێزيك بوونا وه‌رزێ زڤستانێ.

ژلايێ خۆڤه‌ سه‌رۆك وه‌زيرێن عيراقێ حيده‌ر العبادى به‌رهه‌ڤى و ئاماده‌يه‌ حكومه‌تا خۆ بۆ ئازادكرنا سه‌بايا و ره‌ڤانديان و قه‌ره‌بووكرنا كه‌س و كارێن قوربانيان دا دياركرن،زێده‌بارى هاريكاريكرنا ئاواره‌يان ل دووڤ كه‌نالێن فه‌رمى.