بنگه‌هێ لالش ل دهۆكێ كۆمبوونه‌ك ل دۆر ره‌وشا ئێزديان ئه‌نجام دا

ئێزديخان نيوز:دهۆك

ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى ل دهۆكێ ئيرۆكه‌ كۆمبوونه‌ك ل دۆر ره‌وشا نهۆ يا ئێزديان و رۆلێ بنگه‌هێ دخزمه‌تكرنا ئاواره‌يان دا سازدا.

ب سه‌رۆكاتيا شێخ شامۆ سه‌رۆكێ ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى و ئاماده‌بوونا ئه‌ندامێن بنگه‌هى و سه‌رۆكێن لژنه‌يێن كاروبارێن بنگه‌هى كۆمبونه‌ك ل دۆر ره‌وشا نهۆ يا ئێزديان و رۆلێ بنگه‌هێ دخزمه‌تكرنا ئاواره‌يان دا و خه‌باتا وى، ئيرۆكه‌ 7/10  ل هۆلا كۆمبوونان ل ئاڤاهيێ بنگه‌هى ئه‌نجام دا،دڤێ كۆمبوونێ ره‌وشا ئێزديان ب گشتى دڤێ قۆناغا تێرا دبۆرن هاته‌ به‌حسكرن،ديسان به‌حسێ رۆلێ لژنه‌يا هاريكاريكرنا ئاواره‌يان و راگه‌هاندنا بنگه‌هێ دڤان بوويه‌ران دا و ديكيۆمێنتكرنا چيرۆكا هاته‌ كرن.