داخوازا گوهارتنا خيڤه‌تێن كه‌مپا خانكێ دئێته‌ كرن

ئێزديخان نيوز:خانكێ

ل شه‌ڤا ده‌ربازبووى ئاگربه‌ربوو خيڤه‌ته‌كا دى ل كه‌مپا خانكێ،هه‌ر ب سه‌ده‌ما وى ئاگرى ژنه‌كێ گيانێ خۆ ژ ده‌ست دا و هێشتا ئه‌گه‌رێن ڤێ روودانێ ژى نه‌ديارن.  

ل دۆر ڤێ چه‌ندێ ئه‌ندامێ لژنا سه‌رپه‌رشتا ئاواره‌يان ل خانكێ عنتر كلۆ دداخۆيانييه‌كێ دا بۆ ئێزديخان نيوز راگه‌هاند و گۆت:ل سعه‌ت هه‌شتى شه‌ڤا ده‌ربازبووى ئاگر به‌ربوو خيڤه‌ته‌كێ ل كه‌مپا خانكێ وژ ئه‌نجامێ وى ئاگرى ژنه‌كێ گيانێ خۆ ژ ده‌ست دا،هه‌روه‌سا هێشتا ئه‌گه‌رێن ئاگربه‌ربوونێ نه‌ديارن. ناڤبرى خواست ژى كو دڤێت هه‌موو خيڤه‌ت بێنه‌ گهۆرين دا ئه‌ڤ جۆره‌ روودانه‌ په‌يدا و دووباره‌ نه‌بن ل كه‌مپێ.  

هه‌ژى گۆتنێيه‌ به‌ريا چه‌ند رۆژێن بۆرى ئاگر به‌رببوو خيڤه‌ته‌كا دى ل كه‌مپا خانكێ.