لژنه‌يا ديكومێنتكرنا كاره‌ساتا شنگالێ هاته‌ پێكئينان

ئێزديخان نيوز:

لژنه‌يا ديكومێنتكرنا كاره‌ساتا شنگالێ ل كۆمه‌لگه‌ها شاريا هاته‌ پێكئينان ،كو دێ ده‌نگێ كه‌سانێن لێقه‌وماێن ئێزدى  گه‌هينته‌ وه‌لاتێن ديموكرات و زلهێزێن جيهانى وناساندنا كاره‌ساتا شنگالێ وه‌ك جينۆسايد.

 ئه‌ندامێ لژنه‌يا  ديكومێنتكرنا كاره‌ساتا شنگالێ تايێ شاريا،ژێهات قادر ب ئێزديخان نيوز راگه‌هاند،ئارمانجا ڤێ لژنێ دێ ده‌نگێ كه‌سانێن لێقه‌وماێن ئێزدى  گه‌هينته‌ وه‌لاتێن ديموكرات و زلهێزێن جيهانى وناساندنا كاره‌ساتا شنگالێ وه‌ك جينۆسايد،زێده‌بارى ب ده‌ست ڤه‌ ئينانا مافێ ئێزديان.

 ژێهات قادر گۆتژى تا نهۆ زێدهتر ژ 75ڤيديۆيان و جۆرێ بوويه‌رێن ڤيديۆ ل سه‌ر هاتينه‌ دروستكرن و دجۆراوجۆرن،ديسان دێ حه‌له‌تێن شه‌هيدبوونا كه‌سانێن نێزيك ئاخفتنكه‌رى و بێ سه‌رووشويان و ده‌سته‌سه‌ركرن و ره‌ڤيان ژ ده‌ستێ تيرۆرستێن داعش  و هتد چێكه‌ين،هه‌روه‌سا سه‌ره‌دانا كۆمه‌لگه‌ها خانكێ هاتيه‌ كرن،ژبۆ په‌يداكرنا حاله‌تان.

ئه‌ندامێ لژنه‌يا  ديكومێنتكرنا كاره‌ساتا شنگالێ ته‌كه‌زكر ژى دهه‌مان ده‌م دا بزاڤ يێ دئێنه‌ كرن بۆ به‌ر فره‌هكرنا پرۆژه‌ى و هه‌ول دئينه‌ دان  ل پرانيا ده‌ڤه‌رێن ئێزديان لژنه‌يه‌كا تايبه‌ت ب ڤێ چه‌ندێ بێته‌ دروستكرن،كو هه‌موو ببنه‌ ئێك گرۆپ.

ناڤبرى ئاماژه‌ ب هندێ دا ژى بزاڤێن مه‌ دبه‌رده‌وامن بۆ دروستكرنا په‌يوه‌نديان دگه‌ل رێكخراوێن جيهانى.