ڤيان ده‌خيل:دڤێت يونسێف هه‌لويستێ خۆ ديار بكه‌ت

ئێزديخان نيوز:

پشتى چالاكڤانه‌كا رێكخراوا يونسێف يا كو سه‌رپه‌رشتا تيمه‌كێ تايێ كوردستانێ دكۆنگره‌كى دا ل پايته‌ختێ وه‌لاتێ ئێرله‌ندا پشكدارى كر و تێدا خۆ گرياندى ل هه‌مبه‌ر پاراستنا رزگاربوويێن ئێزدى ژ زيندانێن تيرۆرستێن داعش ژ كه‌س و كارێن وان،ژلايێ خۆ ڤه‌ ڤيان ده‌خيل په‌رله‌مانتارا ئێزدى راگه‌هاند،كو ئه‌و دێ سكاله‌كێ ل سه‌ر ڤێ چالاكڤانێ ل دادگه‌هێن تايبه‌ت ل كوردستانێ تۆماركه‌ت.

 نڤيسينگه‌ها په‌رله‌مانتار ڤيان ده‌خيل ئيرۆ (21/10/2014)ێ راگه‌هاند،كو ڤيان ده‌خيل داخواز ژ يونسێف و و تايێ وێ ل كوردستانێ كريه‌ هه‌لويستێ خۆ ل به‌رامبه‌ر هنار مه‌عروف دياربكه‌ن،ديسا دڤێت بزانين چه‌ند دراڤ وه‌رگرتيه‌ و ل كێده‌رێ خه‌رجكريه‌.

هه‌روه‌سا دووپات دكه‌ين كو رزگاربوويێن ئێزدى ژ زيندانێن تيرۆرستێن داعش جهێ فه‌خرێ نه‌ ل نك كه‌س و كارێن وان و هه‌موو ته‌خێن جڤاكێ ئێزدى ژى،ديسان ئه‌و يێ ل بن چاڤدێرييه‌كا ساخله‌مى و يا ده‌روونى يا پێدڤى.

ڤيان ده‌خيل تاكيد ل وێ چه‌ندێ ژى كريه‌،كو ژ هه‌موو رێكخراوان دخوازين خۆ خۆ به‌خش نه‌كه‌ن ب دانا هه‌ر گوژمه‌كى دراڤى بۆ هنار معروف،ژبه‌ركو ئه‌و نابت ب ناڤێ ئێزديان و شه‌ره‌فا وان باخفت،له‌ورا دێ سكاله‌كێ ل سه‌ر ڤێ چالاكڤانێ ل دادگه‌هێن تايبه‌ت ل كوردستانێ تۆماركه‌ين.