ئه‌لمانيا دێ پشته‌ڤانيا ئێزديان كه‌ت

ئێزديخان نيوز:ئه‌لمانيا

 شانده‌كێ هه‌وا ژبۆ ئێزديێن پاشه‌رۆژێ ب سه‌رۆكاتيا په‌يڤدارێ ڤێ هه‌وێ د.ميرزا دنايى دوهى 30/10كۆمبوونه‌ك ل گه‌ل كرستوف شتريسر مفوزێ ئتيحادى دحكومه‌تا ئه‌لمانيا بۆ كاروبارێن مرۆڤايه‌تى ئه‌نجام دا.

د.ميرزا دنايى بۆ ئێزديخان نيوز دياركر،دڤێ كۆمبوونێ دا به‌حسا كاره‌ساتا جينۆسايدێ ئه‌وا ئێزديێن عيراقێ تووشبووينێ و ره‌وشا ئاواره‌يان ل چه‌ند ده‌ڤه‌رێن نافخۆ و ژ ده‌رڤه‌ى هه‌رێما كوردستانێ و وه‌لاتيێن دورپێچكرى يێن ل شنگالێ كرن،دته‌وه‌ره‌كى دى دا به‌حسا كێشه‌يا ره‌ڤانديان و رۆلێ حكومه‌تا ئه‌لمانيا بۆ رزگاركرنا وان هاته‌كرن،زێده‌بارى ره‌وشا زارۆكان و قوتابيێن ئاواره‌ ئه‌وێن ژ مافێ په‌روه‌رده‌يێ بێ به‌هربووين.

ئاماژه‌ ب هندێ دا ژى كو شتريسر گۆت ئه‌لمانيا دێ پشته‌ڤان بت بۆ كێمكرنا ئێش و ئازارێن ئاواره‌يان و هه‌ولا پێشكێشكرنا ڤێ پشته‌ڤانيێ ب هه‌موو رێيان دێ كه‌ين.