ئه‌كاديميا ئێزديان ل ئه‌لمانيا كۆنفرانسێ خۆ يێ دوويێ دگێرت
ئێزديخان نيوز:تارقێ حه‌سۆ
ل بن ناڤێ ده‌ربازبوونا ئێزديان دقۆناغێن دوهى و ئيرۆ و سوبه‌هى ده،ئه‌كاديميا ئێزديان ل باژارێ بيليفێلد ل ئه‌لمانيا كونفرانسێ خۆ يێ دوويێ ب سازدانا چه‌ند سميناران گێرا.
ل رۆژێن 4_5ى ئوكتۆبه‌ر2014ێ كونفرانسێ ناڤبرى هات ل دارخستن،ل پێشيێ رێزدار دكتۆر شه‌فێق تاكاى وه‌كو سه‌رۆكێ ئه‌كاديميێ گۆتاره‌ك خواند و ب خێرهاتنا ته‌ڤايا مێهڤانا و ئاماده‌بوويان كر،هه‌روه‌سا به‌حسێ ره‌وش و چالاكيێن ئه‌كاديميێ كر دده‌مێ بۆرى ده و پاشى بال كشانده ل سه‌ر ره‌وشا نهۆ يا كوردستانێ و ره‌وشا ئێزديان هات نه‌رخاندن و ب تايبه‌ت يا خه‌لكێ مه ل چيايێ شنگالێ و ئه‌ڤ فرمانا داويێ يا هاتيه ل سه‌ر ئێزديان،پاشى پرۆگرامێ بابه‌تان ده‌ستپێكر ب گه‌له‌ك بابه‌تێن تێرو زه‌نگين وه‌كا مێژو و ميتو لوجيێ و ره‌وشا نها و قركرن و كوم كوژيا ئێزديان ب ده‌ستێ خودێ نه‌ناسه يا دبێژنێ داعش ل سه‌ر خه‌لكێ مه ل شنگالێ... هتد.
هه‌روه‌سا چه‌ندين بابه‌تێن هاتين ل دارخستن ژلايێ كه‌سێن پسپۆرێن ئێزدى و هه‌ڤال و دۆستێن گه‌لێ كورد و ب تايبه‌ت شه‌هره‌زايێن ديرۆكا جڤاكا ئێزديان ژ وانا وه‌كا دكتۆر و پريفيسۆر الهان قزلهان ئێزدى دده‌مێ ئوسماليان ده،ديرۆك ناس نابو لاوفرى ل سه‌ر ميتولوجيا ئێزديان و دكتۆر كراين بروك وه‌كهه‌ڤييه‌ك لناڤ به‌را ئێزديان و ئه‌هل الحه‌ق ده،دكتۆر سباستيان مايزل ل سه‌ر ئێكگرتنا ئێزديان ل گه‌ل وه‌لاتێن ئه‌مريكى ده،سميناره‌ك ژ لايێ كه‌مال سه‌يدۆ و چه‌ند هه‌ڤالێن دن ل سه‌ر ره‌وشا ئێزديان ل سوريا ،سميناره‌ك ل سه‌ر بوويه‌را شنگال و فرمانا دلته‌زين و كارتێكرنا وێ ل سه‌ر ئێزديان دئاينده دا،هه‌روه‌سا ناسكرنا خودێ دئێكگرتنا ئێزديان ده هاته پێشكێشكرن ژلايێ نڤيسكار هوشه‌نگ بروكا ڤه.
هه‌ژيه بێژين بتر ژ پێنج سه‌د كه‌سان و چه‌ندين ده‌زگه‌هێن راگه‌هاندنێ يێن بيانى و ناڤخۆيى دڤێ سمينارێ دا دئاماده‌بوون ،هه‌روه‌سا وه‌رگێرانا زمانى ب رێيا ئاميرێت پێشكه‌فتى دهاته وه‌رگێران ب هه‌ر سێ زمانان ئه‌لمانى و كوردى و ئه‌ره‌بى،ل داوييا هه‌ر سميناره‌كێ دانووستنادنه‌ك ب تێرو ته‌سه‌ل دهاته كرن. بۆ زانين ئه‌ڤ كۆنفرانسه هاتيه دامه‌زراندن ل سالا 2012ێ و ل سه‌ر ده‌ستێ چه‌ند كه‌سێن خودان شيان و ره‌وشه‌نبيرێن ئێزدى ڤه،شه‌هره‌زا و خه‌مخۆرێن ديرۆك و ميتولوجيا كه‌ڤنا كوردێن ئێزدى نه،هه‌ردوو سالان جاره‌كێ تێته ل دارخستن ل سه‌ر چه‌ند بابه‌تێن جودا و هه‌مه‌ره‌نگ ل دۆر كه‌ڤناتيا ئه‌ڤێ ئۆله كورده‌واريا كه‌ڤن،ژبۆ چاندن و كلتور و ميتۆلوجيا و كاودانێن ب سه‌رێ هاتين.
