845ئێزدى ل سنوونێ هاتينه‌ ره‌ڤاندن

ئێزديخان نيوز:شنگال

دئاماره‌كا بنگه‌هێ لالش تايێ سنوونێ و نڤيسينگه‌هێن ب سه‌ر ڤه‌ دا،83كه‌س شه‌هيدبووينه‌ ل ناحيا سنوونێ و 845هاتينه‌ ره‌ڤاندن.

سه‌رۆكێ بنگه‌هێ لالش تايێ سنوونێ سلێمان فانۆ دداخۆيانييه‌كێ دا ب ئێزديخان نيوز راگه‌هاند،پشتى ئه‌و كاره‌ساتا ب سه‌رێ شنگالێ هاتى مه‌ وه‌ك بنگه‌هێ لالش تايێ سنوونێ و نڤيسينگه‌هێن ب سه‌رڤه‌ ئاماره‌ك چێكر،ئه‌و ژى تا نهۆ 83كه‌س شه‌هيد بووينه‌ و  845هاتينه‌ ره‌ڤاندن و داخوازێ دكه‌ين ئه‌ڤێن هاتينه‌ ره‌ڤاندن ب زووترين ده‌م بێنه‌ ئازادكرن ژ ده‌ستێن تيرۆرستێن داعش دا.

پشتى تيرۆرستێن داعش هێرشكرينه‌ سه‌ر قه‌زا شنگالێ ب سه‌دان وه‌لاتيێن ئيزدى كوشتينه‌ و ب هه‌زاره‌هان ژى ره‌ڤاندينه‌.