دوو گه‌نجێن ئێزدى دخه‌ندقن

ئێزديخان نيوز:

ده‌رئێخستنا ته‌رمێ هه‌ردوو گه‌نجێن شنگالێ دئاڤا زێى دا

دوو گه‌نجێن شنگالێ ب مه‌ره‌ما گه‌شتيارى كرنێ دچنه‌ سه‌ر زێ و ئێك ژ وان خۆ دهاڤێته‌ دئاڤێ دا و دخه‌ندقت و يێ دى ژى دهاوارا وى دچت و ئه‌و ژى دخه‌ندقت.

به‌رپرسێ به‌شێ راگه‌هاندنا رێڤه‌به‌ريا به‌ره‌ڤانيا باژێرێ ئاكرێ،پێشه‌نگ فيراس ياسين دداخۆيانييه‌كا تايبه‌ت دا بۆ ئێزديخان نيوز گۆت:تيمێن مه‌ هاتنه‌ ئاگه‌هداركرن كو دوو گه‌نجێن ئێزدى گه‌شتياربوون دئاڤا زێى دا ل نێزيك پرا مه‌زن يا قه‌نديل خه‌ندقينه‌ و تيمێن مه‌ گه‌هشتنه‌ جهێ روودانێ و ته‌رمێن وان ئينانه‌ ده‌رێ.

ل دۆر سه‌ده‌مێن خه‌ندقينا ڤان هه‌ردوو گه‌نجان،،پێشه‌نگ فيراس ياسين دياركر،ل ئێڤاريارۆژا(19/9/2014)ێ ئه‌و هه‌ردوو گه‌نج ب مه‌ره‌ما گه‌شتيارى كرنێ دچنه‌ سه‌ر زێ و ئێك ژ وان خۆ دهاڤێته‌ دئاڤێ دا و دخه‌ندقت و يێ دى ژى دهاوارا وى دچت و ئه‌و ژى دخه‌ندقت،كو خه‌لكێ ده‌ڤه‌را شنگالێ نه‌.