به‌رپرسێ به‌شێ ره‌وشه‌نبيرى يێ بنگه‌هێ لالش ل ئه‌لمانيا ،دلشاد سمۆ ب ئێزديخان نيوز راگه‌هاند،ئه‌ڤه بتر ژ هه‌يڤه‌كێ يه ئه‌م دبه‌رده‌وامين ل سه‌ر خرڤه‌كرنا جلكان و پێلاڤا و پێدڤيێت زارۆكا و ئه‌گه‌ر هێشتا هاريكارى گه‌هشتنه مه ئه‌ڤه دبته نێزيكى 50ته‌نێن هاريكاريان هاتينه هنارتن بۆ ئاواره‌يين ئێزدى ل كوردستانێ ئه‌و ژى ب هه‌ڤكارى دگه‌ل مالا ئێزديا كالكار و رێكخراوا ئازادى يا خێرخوازى ل هانۆڤه‌ر و رێكخستنا بخێرهاتن بۆ باژێرێ مولهايم يا ئه‌لمانيا و چه‌ند كه‌سايه‌تيێن جڤاكى و نه‌ته‌وه‌ى يێن جودا جودا.
دلشاد سمۆ دووپات ل وێ چه‌ندێ ژى كر،كو ئه‌م داخوازێ ژ خه‌لكى و رێكخراوێن مرۆڤايه‌تى ل ئه‌لمانيا دكه‌ين بتر هاريكاريا ئاواره‌يان بكه‌ن.
بنگه‌هێ لالش ل ئه‌لمانيا ل سه‌ر كۆمكرنا هاريكاريان بۆ ئاواره‌يێن ئێزدى ل كوردستانێ يێ به‌رده‌وامه.
