ئێزديان پێنج داخوازييێن خۆ دكۆنگرێ جنێف دا پێشكێشكرن

ئێزديخان نيوز:

ميرزا دنايى دكۆنگرێ جنێف دا 

كۆنگرێ نه‌ته‌وێن ئێكگرتى يێ

ل سه‌ر مافێن مرۆڤى ل جنێفێ ب پشكداريا شانده‌كى ئێزديان ئيرۆكه‌(1/9/2014)ێ هاته‌ ئه‌نجامدان وتێدا ئێزديان پێنج داخوازى پێشكێشكرن.

ده‌سته‌يا هاوار هاتنا شنگالێ راگه‌هاند،دڤى كۆنگره‌ى دا ئه‌ندامێ شاندێ ئێزديان ميرزا دنايى په‌يڤه‌ك پێشكێشكر و تێدا خواست جڤاتا مافێن مرۆڤى و جڤاتا ئيمناهيێ ڤه‌كۆلينێ ل سه‌ر ڤێ كێشێ بكه‌ن،هه‌تا ڤێ كۆمه‌لكوژيێ بده‌نه‌ ناسين و كارئاسانيا مافێ په‌نابه‌ره‌تيێ بۆ په‌نابه‌رێن ئێزدى ل وه‌لاتێن رۆژئاڤا بێته‌ كرن،ديسان وه‌ك په‌نابه‌ر بن،پشته‌ڤانيا دامه‌زراندنا ده‌ستهه‌لاته‌كێ ل ده‌ڤه‌را شنگالێ و ده‌ڤه‌ره‌كا ئارام ل ده‌شتا نه‌ينه‌وا ل ژێر  چاڤدێرى و پاراستنا ده‌ولى ب شێوى هێزێن پاراستنا ئاشتيێ،ژبۆ سه‌كناندنا توندوتيژيێ ل دژى كێمينه‌يان.

هه‌روه‌سا شاندێ ئێزدى داخوازكر هاريكارييێن مرۆڤايه‌تى بۆ نێزيكى نيڤ مليۆنا ئاوارا ژ شنگالێ و ده‌ڤه‌را ده‌شتا نه‌ينه‌وا بێنه‌ پێشكێشكرن و جڤاكێ نيڤ ده‌وله‌تى دخوازين كار ژبۆ رزگاركرنا بترى 5000هه‌زار ژن و زارۆكێن ره‌ڤاندى بكه‌ت.