التخطي إلى المحتوى الرئيسي
بحث هذه المدونة الإلكترونية
چارنڤيسێ ئێزديان به‌ره‌ڤ كوڤه
ئێزديخان نيوز:
پشتى رێكخراوا داعش يا تيرۆرستى هێرشكريه سه‌ر قه‌زا شنگالێ و داگيركرى،ب سه‌دان وه‌لاتييێن ئێزدى هاتينه كوشتن و ره‌ڤاندن و ب هه‌زاره‌هان ژى ئاواره‌بووينه بۆ هه‌رێما كوردستانێ.
داگيركرنا شنگالێ ژلايێ تيرۆرستێن داعش ڤه هێشتا يا به‌رده‌وامه و نه‌هاتيه رزگاركرن ڤێ چه‌ندێ ژى كارتێكرنا خۆ ل سه‌ر هه‌موو ده‌ڤه‌رين ئێزديان كر،پشتى تيرۆرستێن داعش بۆ ماوه‌يه‌كى قه‌زا تلكێفێ ژى داگيركرى،خه‌لكێ گوند و كۆمه‌لگه‌هێن ئێزديان ژى يێن سه‌ر ب ڤێ قه‌زايێ ڤه مالێن خۆ هێلان و وان ژى قه‌ستا هه‌رێما كوردستانێ كرن،پشتى ئه‌ڤ كاودانه ب سه‌رێ ئێزديان هاتين ناچاربووينه قه‌ستا ده‌رڤه‌ى وه‌لاتى بكه‌ن،ئه‌و ژى نهۆ ب سه‌دان وه‌لاتييێن ئێزدى پاسپۆرت بخۆ چێكرينه و هه‌ر ده‌مێ ده‌ليڤه‌ك چێببت دێ كۆچ كه‌ن و هێشتا چاره‌نڤيسێ وان نه‌دياره.
