التخطي إلى المحتوى الرئيسي
بحث هذه المدونة الإلكترونية
ئێزدى پێنج داخوازيان پێشكێشى وه‌زيرێ ده‌رڤه‌يێ فه‌ره‌نسا دكه‌ن
ئێزديخان نيوز:
دسه‌ره‌دانا خۆ دا بۆ هه‌رێما كوردستانێ وه‌زيرێ ده‌رڤه يێ فه‌ره‌نسا دگه‌ل چه‌ند به‌رپرسێن ئێزديان كۆمبونه‌ك ئه‌نجامدايه و ئێزديان چه‌ند داخوازى،ژبۆ رزگاركرنا ئێزديان ژێ كرينه.
رێڤه‌به‌رێ گشتيێ كاروبارێن ئێزديان خێرى بۆزانى راگه‌هاند،پشتى وه‌زيرێ ده‌رڤه يێ فه‌ره‌نسا لوران فابيوس سه‌ره‌دانا هه‌رێما كوردستانێ كرى مه ژى كۆمبونه‌ك دگه‌ل دا گرێدا و چه‌ند داخوازێ مه پێشكێشى وى كرن،ئه‌و ژى رزگاركرنا خه‌لكێ گوندێن كوچو و الحاتميه و نسێريێ ژ ده‌ستێ داعش ڤه و رزگاركرنا 500ژنان ئه‌وێن ل ژێر ده‌ستێ دادعش دا ل ئاڤاهيه‌كى،له‌زكرن ژبۆ رزگاركرنا بترى 80000په‌نابه‌ران ل چيايێ شنگالێ و پێشكێشكرنا هاريكارييێن ده‌ولى يێن بله‌ز بۆ ئاواره‌يێن ئيزدى و مه‌سيحى،كو ژماره‌يا وان 700000كه‌سن،هه‌روه‌سا مه داخوازا پاراستنا ده‌ولى بۆ ئيزديان و مه‌سيحيان ل عيراقێ كر.
دڤێ كۆمبوونێ دا وه‌كيلێ ميرێ ئيزديان حازم ته‌حسين و ئه‌ندامێن جڤاتا رۆحانى و مسته‌شارێن رۆحانى دئاماده‌بوون.
