خۆپيشاندانێن ئێزديان ژبۆ رزگاركرنا شنگالێ دبه‌رده‌وامن و بێ ئه‌نجامن

ئێزديخان نيوز:

ل چه‌ندين ده‌ڤه‌رێن هه‌رێما كوردستانێ و جيهانێ خۆپيشاندانێن وه‌لاتييێن ئێزدى ل دژى هێرشێن چه‌كدارێن داعش بۆ سه‌ر قه‌زا شنگالێ هاتينه‌ ئه‌نجامدان دبه‌رده‌وامن و تا نهۆ بێ ئه‌نجام بووينه‌،ژبۆ رزگاركرنا خه‌لكێ شنگالێ ژ ده‌ستێ تيرۆرستان.

هه‌ر ژبۆ رزگاركرنا شنگالێ خۆپيشاندانێن ئێزديان دبه‌رده‌وامن و دڤان خۆپيشاندانان دا وه‌لاتييێن ئێزدى ژ حكومه‌تا هه‌رێما كوردستانێ و نه‌ته‌وه‌يێن ئێكگرتى و وه‌لاتێن جيهانى و رێكخراوێن مافێ مرۆڤى و مه‌ده‌نى خواستيه‌ ب زووترين ده‌م ب هاوارا خه‌لكێ شنگالێ را بچن و رزگار بكن و هاريكارييێن بله‌ز بگه‌هينه‌ ئاواره‌يان ل چيايێ شنگالێ.