چاڤه‌رێيه سه‌نته‌رێ جينۆسايدا شنگالێ بێته ڤه‌كرن و كه‌ساتييين ئێزدى ل ده‌رڤه‌ى وه‌لاتى پشته‌ڤانيا خۆ بۆ ڤه‌كرناوى ديار دكه‌ن.
رێكخه‌رێ ڤى پرۆژه‌ى كۆڤان خانكى تايبه‌ت بۆ ئێزديخان نيوز گۆت:ل 4ى ڤێ هه‌يڤێ من پێشنياره‌ك بۆڤه‌كرنا سه‌نته‌رێ جينۆسايدا شنگالێ كريه و من بلندكريه بۆ چه‌ند جهه‌تان و هه‌ر ل 8/8ئه‌ڤ پرۆژه من ب داوى ئينا و هه‌ر ل 9ى ڤێ هه‌يڤێ من ل مالپه‌را خۆ يا فيسبۆكى به‌لاڤكر.
كۆڤان خانكى دياركرژى دڤى سه‌نته‌رى دا وێنه و ڤيديۆ و ديكيۆمينت ل سه‌ر كاره‌ساتا شنگالێ تێدا دێ كۆمكرن،ديسان ژ ئه‌نجامێ ڤێ كاره‌ساتێ گه‌له‌ك زارۆك ئێختيم ماينه و ماله‌ك دڤى سه‌نته‌رى دا دێ ئێته ڤه‌كرن،ژبۆ خودانكرنا وان و ئاماره‌ك ژى بۆ وان كه‌سێن هاتينه كوشتن و بێ ژنا دێ ئێته كرن دا ل پاشه‌رۆژێ موچه‌ى وه‌رگرن.
رێكخه‌رێ ڤى پرۆژه‌ى ئاماژه ب هندێ دا ژى هه‌ولێن تاكه‌كه‌سى نه‌چاره‌سه‌رييه،به‌لكو ڤه‌كرنا سه‌نته‌رى باشترين چاره‌يه،چنكو ئه‌و وێنه و ڤيديۆ و ديكيۆمێنت دێ تێدا بن و هه‌ركه‌سه‌كێ بڤێت ڤه‌كۆلينه‌كێ يان لايه‌نه‌ك زيانێن كاره‌ساتا شنگالێ بزانت دێ ل ڤى سه‌نته‌رى هه‌موو تشتان وه‌رگرت.
كۆڤان خانكى ئه‌و چه‌نده ژى خوياكر،كه‌ل و په‌لێن ڤى سه‌نته‌رى ژ هه‌موو لايان ڤه دێ ئێنه دابينكرن و تنێ نهۆ وه‌ك پێشنياره‌ك بۆڤه‌كرنا وى من دايه،لێ هێشتا چوو بريارێن فه‌رمى ل سه‌ر نه‌هاتينه دان.
