رۆلێ رۆژنامه‌ڤانێن ئێزدى درۆمالكرنا كاره‌ساتا شنگالێ دا يێ لاوازه‌

ئێزديخان نيوز:

ئاواره‌بوونا خه‌لكێ شنگالێ بۆ هه‌رێما كوردستانێ

پشتى رێكخراوا داعش يا تيرۆرستى قه‌زا شنگالێ داگيركرى وكارێن دژى مرۆڤايه‌تيێ دده‌رهه‌قا خه‌لكێ وێدا ئه‌نجامداين،چه‌ندين ده‌زگه‌هێن راگه‌هاندنێ يێن نافخۆيى و بيانى خۆ ل ڤێ كاره‌ساتێ كرنه‌ خودان،لێ رۆمالكرنا ڤێ كاره‌ساتێ ژ لايێ رۆژنامه‌ڤانێن ئێزديان ڤه‌ يا لاوازبوو،كو رۆله‌كى گرنگ نه‌بوو،ديسان  ب شێوه‌يه‌كى پرۆفيشنال نه‌ ڤه‌گۆهاستن.  

 رۆژنامه‌ڤان عزيز الشركانى دبێژت:رۆژنامه‌ڤانێن ئێزدى ئه‌وێن ده‌رڤه‌ى شنگالێ و باشيك و به‌حزانێ چ رۆله‌ك نه‌بوو دهه‌مبه‌ر رۆمالكرنا ڤێ كاره‌ساتا ب سه‌رێ خه‌لكێ شنگالێ دا هاتى و لاوازييه‌ك هه‌بوو،كو مه‌زنيا ڤێ كاره‌ساتێ ب خه‌لكێ بيانى بده‌نه‌ نيشاندان.

هه‌روه‌سا رۆژنامه‌ڤان هه‌ژار مدير ژ ئه‌لمانيا دياركر،كاره‌ساتا شنگالێ ب شێوه‌يه‌كى باش هاته‌ رۆمالكرن،لێ نه‌ك ب شێوه‌يه‌كى پرۆفيشنال بوو،ژبه‌ركو رۆژنامه‌ڤانێن ئێزدى ژئه‌گه‌رێ دژوارو مه‌زناتيا ڤێ كاره‌ساتێ نكارين خۆ ل به‌ر پره‌نسيپێن رۆژنامه‌ڤانيێ بگرن،ديسا دڤێت رۆژنامه‌ڤانێن ئێزدى دگه‌ل ده‌زگه‌هێن راگه‌هاندنێ يێن بيانى كار بكه‌ن و هه‌ر تشته‌كى ب رۆن و ئاشكرايى ڤه‌گۆهێزن بۆ جهێن بلند. 

رۆژنامه‌ڤان الياس نعمۆ خوياكر،گرنگه‌ ژماره‌يه‌كا رۆژنامه‌ڤانێن ئێزدى دكۆمبونێن ل دۆر ره‌وشا ئێزديان دئێنه‌ ئه‌نجامدان پشكداربن و هاريكاريا وان بێته‌ كرن هه‌تا بكارێ خۆ رابن.