ل بنگه‌هێ لالش گهۆرينێن جيۆپۆلۆتيكى و گاريگه‌ريا وێ ل سه‌ر كوردستانێ هاته به‌حسكرن
ئێزديخان نيوز:دهۆك
دوهى لژنا ڤه‌كۆلينا ل بنگه‌هێ لالش ل دهۆكێ سميناره‌ك ل ژێر ناڤێ گۆرينێن جيۆپۆلۆتيكى و گاريگه‌ريا وێ ل سه‌ر كوردستانێ بۆ به‌رپرسێ لقا ئێك يا پارتى ديموكراتى كوردستان گێرا.
دڤێ سمينارێ دا به‌رێز عبدالخالق بابيرى به‌رپرسێ لقا ئێك يا پارتى ديموكراتى كوردستان ل دهۆكێ،به‌حسێ هندێ كر كا چاوا گهۆرين هاتنه كرن وه‌ك ياريه‌كا ناڤ ده‌وله‌تى و رۆلێ ده‌وله‌تێن ئه‌قليمى و گهۆرينێن ا نه‌خشه‌يێ رۆژهه‌لاتا ناڤين و ئه‌م وه‌ك كورد چ بكه‌ين باشه و چ باشه بۆ مه و يه‌كبوونا كوردستانێ ژ لايێ سياسى ڤه،ته‌كه‌ز ژى ل وێ چه‌ندێ كر كو يه‌ك رێزيا كوردان دێ بته ئه‌گه‌رێ هه‌بوونا ده‌وله‌تا كوردى،پاشى بابه‌ت ب تێر و ته‌سه‌لى هاته شلۆڤه‌كرن.
ل دواييا ڤێ سمينارێ دانوستاندن ژ لايێ ئاماده‌بوويان ڤه ل سه‌ر ڤى بابه‌تى هاته كرن.
ب
ئاماده‌بوونا جه‌ماوه‌ره‌كى زۆر ژ دهۆكێ و شێخان و تلكێفێ و سێمێلێ،ئه‌ڤ سميناره دوهى(13/7/2014)ێ و ل سعه‌ت پێنجى ئێڤارى ژ لايێ لژنا ڤه‌كۆلينا ل هۆلا بنگه‌هێ لالش هاتبوو ئه‌نجامدان.
