ئێزدى پشته‌ڤانيا خۆ بۆ هێزێن پێشمه‌رگه‌ى دووپات دكه‌ن
ئێزديخان نيوز:
شانده‌كێ ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى ب سه‌رۆكاتيا شێخ شامۆ دوهى سه‌ره‌دانا چه‌ند يه‌كه‌يێن هێزێن پێشمه‌رگه‌ى ل سنورێ قه‌زا شنگالێ و ناحيا سنوونێ كر.
دڤێ سه‌ره‌دانێ دا شاندێ ناڤبرى سه‌ره‌دانا سه‌ركردايه‌تيا فرقه‌يا سيدكان و اسبيلك و فه‌رمانده‌يا 14يا زێره‌ڤانى و 18 و ئه‌مريا هێزێن زێره‌ڤانى كر و ژبال سه‌ركرده‌يێن وان جهان ڤه هاتنه پێشوازيكرن،پاشى شاندێ ده‌سته‌يا بلندا بنگه‌هێ لالش سه‌ره‌دانا لقا 17يا پارتى ديموكراتى كوردستان و رێڤه‌به‌ريا ناحيا سنوونێ و لژنه‌يا نافخۆ و باره‌گايێ ئاسايشا سنوونێ كر،ژبال خۆڤه سه‌ركرده‌يێن ڤان سه‌ركردايه‌تيا خۆش حاليا خۆ ل هه‌مبه‌ر ڤێ سه‌ره‌دانێ ده‌ربرين،كو ئه‌و چه‌نده سه‌لماند بنگه‌هێ لالش دگه‌ل هێزێن پێشمه‌رگه‌ى دايه،ژبۆ به‌ره‌ڤانيكرنێ ژ ئاخا كوردستانێ.
هه‌روه‌سا به‌رێز شێخ شامۆ سوپاسيا هێزين پێشمه‌رگه‌ى و پارتى ديموكراتى كوردستان كر،ژبۆ وێ خزمه‌تا پێشكێشى قه‌زا شنگالێ كرين و تاكيد ل وێ چه‌ندێ ژى كر كو بنگه‌هێ لالش ب هه‌موو كادرێن خۆ ڤه ل هه‌ر ده‌مه‌كى يێ ئاماده‌يه بێنه دگه‌ل هێزێن پێشمه‌رگه‌ى و ئاماژه كر ژى ئه‌و هه‌موو پێشمه‌رگه‌يێن بارزانى نه.
هه‌روه‌سا شاندێ ناڤبرى جه‌ژنا ره‌مه‌زانێ ل هه‌موو پێشمه‌رگه‌يا و پارتى پيرۆز كر،هه‌ر دڤێ سه‌ره‌دانێ دا ده‌سته‌يا بلندا بنگه‌هێ لالش كۆمه‌كا هاريكاريان،كو ژ كه‌ره‌سته‌يێن خوارنێ پێك دهاتن وه‌ك پشته‌ڤانيه‌كا مه‌عنه‌وى پێشكێشى هێزێن پێشمه‌رگه‌ى كرن.
دوهى(30/7/2014)ێ شاندێ ده‌سته‌يا بلندا بنگه‌هێ لالش ب سه‌رۆكاتيا شێخ شامۆ و سه‌رۆك و ئه‌ندامێن بنگه‌هێ لالش تايێ شنگال و سنوونێ و به‌رپرسێن نڤيسينگه‌هێن گرێدايى ب وان ڤه،دگه‌ل رێڤه‌به‌رێ ناحيا سنوونێ سه‌ره‌دانا هێزين پێشمه‌رگه‌ى دا بوو.
