مزگینیەكا خۆش بۆ پەنابەرێن ئێزدی ل ئەلمانیا

ئێزدیخان نیوز:
دۆرێن 200پەنابەرێن ئێزدی یێن رەتكرن بۆ هاتی ژ ئالیێ‌ دادگەهێن ئەلمانی ڤە،مافێ‌ پەنابەریێ‌ وەرگرتن و چاڤەرێ‌ یە ل داهاتی یێن ماین ژی هەمان ماف وەربگرن. 

چالاكڤانا ئێزدی"نارین شەمۆ"دراگەهاندنەكێ‌ دە ئاشكەراكر:"دماوێ‌ هەفتیەكێ‌ دا دۆرێن 200پەنابەرێن ئێزدی یێن رەتكرن بۆ هاتی،پەیوەندی ب من كرینە مافێ‌ پەنابەریێ‌ وەرگرتینە،ئاكنجیا هندەكان سالەكە و یێن دی سێ‌ سالن،دێ‌ یا بەردەوام بم دگەل رێكخراوان هەتا ژ ڤێ‌ قەیرانا رەتكرنێ‌ دەربكەڤین،یا گرنك ئەوە پەنابەرێن مە هەدارێ‌ بكێشن و ئۆمێدەوار بن".

شەمۆ ئاماژەكریە ژی كو ل هەفتیێن داهاتی دێ‌ كار كەین ل سەر رەوشا كەمپان ل توركیا و تۆماركرنا هندەك حالەتان و دكیۆمێنتكرنا وان دێ‌ راپۆرتەكا ب تێر وتەسەل هنێرین بۆ(UNHCR) و جهێن نێڤ دەولەتی و هندەك حكوومەتان،ب تایبەت حكوومەتا ئەلمانیا كو ئیمزا كریە ل سەر وەرگرتنا 500پەنابەران هەیڤانە ژ توركیا،پێدڤیە ئێزدیان ژی بكەتەدگەل سوریان دا.

تەكەز ل وێ‌ چەندێ‌ كریە و دبێژت:"هەر تشتەك ب ساناهی ب دەست ڤە نائێت و ئەڤ كار پێدڤی ب پێكۆلێن هەموویانە".

تعليقات